World Maritime Week munduko itsas-industriaren topagune aparta da, eta nazioarteko presentzia handia izango du bosgarren edizioan ere, martxoaren 19tik 21era bitarte, Bilbao Exhibition Centren. Erakusketa-eremua, biltzarren gunea eta networking-eskaintza handia daude aurtengo egitarauan jasota. Hala, goi-mailako foroa izango dela eta munduko merkatuko izen garrantzitsuak egongo direla aurreikus daiteke.

Ildo horretan, nabarmentzekoa da Hosted Buyers’ Programme ekimeneko partaideak Txile, Uruguai, Polonia, Kolonbia, Brasil, Ekuador, Peru, Erresuma Batua eta Turkiatik etorriko direla, besteak beste. Ekimen arrakastatsu hori WMWen eskaintza erakargarrienetako bat da, eta enpresa erakusketarien eskaerak biltzen dira horren baitan. Era horretan, Espainiako eta nazioarteko konpainia armadoreen, ontzi-enpresen eta ontziolen presentzia bermatzen da. Aipatu herrialdeez gain, azokaren antolatzaileek lanean jarraitzen dute, adibidez, Argentinako, Arabiar Emirerri Batuetako, Mexikoko eta Norvegiako profesionalen partaidetza ixteko.

Estatutik kanpo etorriko diren enpresen artean, besteak beste, hurrengoa daude: Bergen Engines (Norvegia), Carlier Chaines (Frantzia), GEA Westfalia (Alemania), Rings Around The World (AEB) eta Waterborne (Belgika). Horiekin batera, hainbat autonomia-erkidegotako konpainiek beren azken nobedadeak aurkeztuko dituzte, eta espazioa partekatuko dute gainerako entitate eta partaideekin Luxua pabilioian. Horien artean, Galizia, Madril, Asturias, Katalunia, Valentziar Erkidego eta Andaluziako enpresak egongo dira.

Halaber, barne hartuko diren lau sektoreek (ontzigintza, arrantza, portuak eta itsas energia berriztagarriak) hitzaldi, eztabaida eta keynote-tarako espazioa izango dute. Biltzarretako partaideen artean azpimarratu behar da Europako Batzordeko, ELGAko, CPMRko, Innovation Norwayko eta bost kontinenteetan diharduten enpresetako ordezkariak egongo direla.

Berriki, Industria, Merkataritza eta Turismo Ministerioak, Merkataritzako Estatu Idazkaritzaren bidez, Nazioartekotasun Osoaren aitorpen ofiziala egin dio World Maritime Week-i.

 

WORKinn for WMW eta egitarau zabala

Estreinakoz, WORKinn For WMW enplegu-foroa aurkeztuko da aurten ere. Helburuen artean izango ditu belaunaldien arteko erreleboaren erronkari heltzea, enpresen beharren eta pertsonen trebakuntza kualifikaturik ezaren arteko distantzia laburtzea, eta gazteen interesa piztea itsas sektorearen inguruan. Martxoaren 20an izango da, eta interesdunek nabigazioko eta soldadurako simulagailu birtualak erabili ahalko dituzte, enplegu-eskaintzen berri izan, heziketa-programa espezializatuei buruzko informazioa jaso eta ikasketekin lotutako orientazio-zerbitzuak eskuratu.

Bestalde, WMW Awards-en bigarren edizioa ere izango da aurtengo programaren parte. Itsas sektorea bultzatzen duten eragileen lorpenak aitortzeko sariak dira eta mundu osoko hautagaitzak aurkez daitezke. Aurtengo ediziorako hautagaitzak otsailaren 19ra arte aurkez daitezke.

Orobat, ekitaldiaren azken egunean bisita teknikoak egingo dira ontzioletan, enpresa teknologikoetan, ekipo- eta propultsio-hornitzaileetan eta offshore plataformetan. Aukera paregabea izango da itsas-sektoreko enpresa-ehuna eta enpresen egunerokoa zuzenean ezagutzeko eta, gainera, lagungarria izango da ideien trukea bultzatzeko eta enpresen arteko konexioak indartzeko.